Cart 0
Mulandu fye obe weka (Bemba)

Mulandu fye obe weka (Bemba)

$0.00

“U bwina Klistu”, Efyalandila (Matin Luther), “Mulandu wa cilamuntu pamutwe wakwe,” Cacine sana.

Nine mubembu. Kaili,

“Ngatwati ine nshakwata lubembu, ninshi tuilya fye, kaili necishinka muli ifwe tamuli” (1 Yoane 1:8). “Pantu bonse balibembuka kainge balifilwa ukufika pacipimo nangu palulumbi lwa kwa Lesa.” (Abaloma 3:23) Lelo Kwena ngatwayebelela imembu shesu, wene wacishinka kainge uwabupingushi bwawama pakutwelela imembu shesu, nokutusamba ukufuma kuli fyonse ifya fiko. (1 Yoane 1:9)

Bushe ca cine, Yesu ni katula, kainge ni katula wandi? Ici cine e cikalamba ku mwikala calo onse. Lelo kwena ili ilipusho lyakuipakisha sana, kaili lyalilinga ukwasuka muli uno mweo. “Moneni nomba ekashita kasuminishiwa; Moneni lelo ubushiku bwabupususho.” (2 Kolinto 6:2) Ububwine ubushiku limbi kuti bwaba ebwakupelako kuli iwe. “Wilaitakisha pafyamailo; pantu tawishibe ifikakuponena.” (Amapinda 27:1)

Pa fyakusoka ifingi ifyapelwa mu mashiwi yakwa Lesa, Twakwata ici. PEKANYA UKUKUMANYA LESA OBE”. (Amoshi 11:12) Bushe kwena wecibusa wandi waishiba shani pafyamweo obe uwamuyayaya? AKASHITA NAKAPWA Umuyayaya wakutinya ubutali, pantu tawakwata impela.

Kwaleisa icuni ngakwapita imyaka amakana,

Kukubikila akamusenga kamo ukufuma kulupili;

Nafyonse ilyo fyapwile, kamusenga, kamusenga,

Umuyayaya walishele.

Ingomuyayaya obe ukakupitila kwi? Kumo pali fi fifulo fibili, Kumulu nangu kumulilo wakwa Ciwa. Cakutinya sana, lelo cacine sana, tefyo.

Mukabulendo kesu akepi akamuno calo

KWABA FYE INSHILA SHIBILI. Neci ishiwi lyakwa Lesa lyalitushininkisha; Inshila yasebuka, nakashila kanono; Iyapakwamba yaya kubonaushi bwamuyayaya; neyacibili nayo yaya kumweo wamuyayaya. Amakana namakana benda muli imo nabanonofye ebenda minankwe. Bushe mune kabelenga iwe uli munshila nshi? Amashiwi yalanda fye bwino “Umusebo wasensebuka ewaya kubonaushi, kaili bengi abo batemwa ukwendamo; Pantu inshila yaololoka, kainge akamusapu, eyaya kumweo, kaili banono abaisanga” (Mateyo 7:13-14).

KWABA FYE IFIPUTULWA FIBILI. Takuli cakutwishika mumatontonkanyo ya muntu, wena atila kwaba ifiputulwa ifingi sana, lelo mu menso ya kwa Lesa wene fibili fye; Abasuma nababi, kaili nobupusano bwabapo ubukulu sana pali aba babili. “Uyo uwikala muli wene uyo emwana watemwikwa uwakwa Lesa-wene kanshi talapishiwa: Lelo uyo ushasubila alilapishiwa fye kale” (Yoane 3:18). Abo abapakwamba baba munshila inono kainge basuma, nabo abacibili baba mucimusebo casensebuka kaili balibola. Iwe kanshi waba ku ciputulwa nshi?

KWABA FYE IMBALI SHIBILI. Shikulwifwe Yesu Klistu atile, “Uyo uwushaba kulubali lwandi, alimpata.” (Mateyo 12:13) Kanshi uli fye umo kulubali lwakwa Yesu nangu ku calo. Teti ubombele Lesa na Mammon panshita imo ine (Icalo) (Luka 16:13). Cintu cakana sana ukubombela panshita imo ine ifi fibili ifyaibela sana. Kanshi imwe batata nangu bamayo mwabela lubali kwi?

KWABA FYE IMFWA SHIBILI. Imfwa yabololoke ne mfwa ya babembu. “Cikawamina abololoke” LELO “Cikabipila ababembu.” (Esaya 3:10-11). Balipalwa abo abafwila mukusubila shikulu” (Ubusokololo 14:13). Lelo ku babembu Lesa atila. “Ilyo ndi no mweo Efyalanda Lesa, nshisekelela mumfwa yababembu”. (Esekiya 33:11). Icintu fye cakupapisha muli cino calo, cali fye nimfwa yakwamwana Lesa-Ababembu bapusushiwa pamulandu fye waluse lwakwe, kaili necakusungusha ukucila nokupela insoni kumona uko ababembu balepokelelwa mumweo wamuyayaya UKWABULA UKUCETEKELA UKWENEKELA. Imo pali shi mfwa shibili eyo ukafwako, ulesalapo ili kwi?

KWABA FYE IFIFULO FIBILI. Kumulu Kuli Lesa mukulu, na Kumbo kwa Ciwa. Iwe uleya kwi? Kabelenga we cibusa candi, umfwa amashiwi aya ayabulanda kabili ayacishinka. Kaili ndelomba ukuti umupashi wamushilo ukulange icishinka. Akashita Nakapwa “KANSHI NAIWE BA WEWAIPEKANYA: PANTU MULI AKO KENE AKASHITA ILYO TAULETONTONKANYA ELYO UMWANA WAKWALESA ALEISA” (Mateyo 24:44) Imyanda mishila balasula ayamashiwi ayakatamisha, mpaka bacelwa. Napapata Lesa paluse lwakwe akulenge ukuti wishibe ukufwaya ubufumu bwakumulu pakwamba, nafimbi ifyakonkapo ifiwaikwa fikalundwapo (Mateyo 6:33). FWAYENI IMFUMU ILYO INGASANGWA; MWITENI ILYO ACILI MUPEPI; LEKENI UMUBEMBU ALABE INSHILA SHAKWE? N0YO UUSHAOLOLOKA AMATONTONKANYO ABWELELE KULI SHIKULU; NASHIKULU AKAMUKWATILA ULUSE; NA KULI LESA WESU PANTU AKAWELELA NAMAKA YONSE” (Esaya 55:6-7) FYONSE IFYO TATA AMPELA FIKESA KULI INE; NOYO ONSE UKESA KULI INE, NSHAKAMUTAMFYE. (Yoane 6:37).

Kwena uleibukisha ukuti ubushiku ushingabutuka buleisa ilyo onse fye akalondolola imilimo yakwe, yamweo wesu uno tuleikala pali cino calo. Pantu Lesa atila “Bonse fye mukalubulula pa milimo yenu kuli Lesa. (Abaloma 14:12)



More from this collection